Kaha tha na, Ki yu soote hue matt chhodke jaana,
Mujhe beshaq jaga dena, bata dena-
tumhe rasta badalna hai, meri hudd se nikalna hai..
Tumhe kiss baat ka darr tha? Mei tumhe jaane nahi deta?-
kahi pe kaid kar leta?
Arre pagal, Mohobbat ki tabiyat mei, zabardasti nahi hoti-
jisse rasta badalna ho usse rasta badalne se-
aur jisse hudd se nikalna ho usse hudd se nikalne se-
na koi rok paya hai, na koi rok payega..
Toh tumhe kiss baat ka darr tha?
Mujhe beshaq jaga dete, mei tumko dekh he leta,
Tumhe koi duaa deta, kum se kum, yu to na hota..
Mere saathi ye haqeeqat hai, tumhaare baad-
khone ke liye kuch bhi nahi baaki,
Magar mei khoone se darta hu,
Mei ab, soone se darta hu-
Kaha tha na, yu chhod ke na jaana
